ЗАМАНҒА САЙ СЫНДАРЛЫ БАҒДАР

Жалпы еліміздің заман ағымына сай жаңашылдықпен дамып келе жатқанын дәлелдейтін көрсеткіштер көп.Бұны күнделікті өмірде бәріміз көріп,куә болып жүрміз.Соның бірі- цифрлық елге айналу бағдары мен жасанды интелектінің басымдыққа ие болуы. Заманға сай сындарлы бағдарды бір жолға салу мемлекеттік саясаттағы оң өзгерістерге деген ойлы қадамын білдіреді.
ҚР Президенті Қасым-Жомарт Тоқаев Парламент депутаттары,үкімет мүшелері мен облыс,республикалық деңгейдегі қала әкімдерімен, зиялы қауым өкілдері алдында жасаған Жолдауында бұл бағыттағы міндеттерді атап өтті.
“-Мен алдымызға өте маңызды стратегиялық мақсат қойдым. Қазақстан үш жыл ішінде міндетті түрде жаппай Цифрлық ел болуы керек. Сондықтан, қазіргі құзырлы министрліктің негізінде Жасанды интеллект және цифрлық даму министрлігін құру қажет деп санаймын.
Жаңа министрлікті Премьер-Министрдің орынбасары деңгейіндегі маман басқаруы керек.
Үкімет экономиканың барлық саласын жаңғырту үшін жаппай жасанды интеллектіні енгізу қажет.
Қазақстанды бәсекеге қабілетті ел ретінде дамытамыз десек, жұмысымызды жаңаша тәсілмен жүргізуіміз керек”-деген мемлекет басшысы елдің өркениетті мемлекеттермен тең дәрежеде болуына қатысты жаңа тұрпатты істі қолға алуды жеделдетуді тапсырды.
Қазірде көптеген құжаттар сандық жүйеге көшірілді. Қажетті анықтамаларды алу үшін бұрынғыдай кезек күтіп отыру жоқ, үйден шықпай- ақ бар шаруаны шешуге мүмкіндік бар. Телефондағы қосымшаны қолдану арқылы қажетті құжаттарын жедел алған жұрттың алтын уақыты осылай тиімділікке әкелуде.
Жаңадан құрылған министрлік бұл жүйені одан әрі жетілдіруге күш салаитыны анық. Бұл болашақтағы жарқын жаңалыққа бастар жол екені анық.
Жолғұттыұлы Бекболат, №11 сайлау округінің депутаты