«Заң мен тәртіп» – Әділетті Қазақстанның өзегі

Ақордада өткен Республика күніне арналған салтанатты жиында Мемлекет басшысы Қасым-Жомарт Тоқаев қоғамның басты даму қағидаты ретінде «Заң мен тәртіп» тұжырымдамасын атап өтті.

Президент өз сөзінде еліміздің қауіпсіздігі мен тұрақтылығы құқық үстемдігіне және әділетке тікелей байланысты екенін айтты:

«Қазақстан қауіпсіз ел болуы керек. Сондықтан «Заң мен тәртіп» қоғамымыздың басты қағидаты саналатын болды. Осы жұмыстың аясында жемқорлыққа қарсы күресті жалғастырып, күшейтеміз, онсыз Әділетті Қазақстан туралы айтудың өзі қисынсыз».

Мемлекет басшысы соңғы бес жылдағы оң өзгерістерді де нақты деректермен келтірді – қылмыс пен бұзақылық азайды, тұрмыстық зорлық-зомбылық оқиғалары төмендеді, ал еліміздің тәжірибесіне халықаралық сарапшылар назар аударып отыр.

Қоғамдық қауіпсіздік пен әділдік – мемлекет дамуының негізі.

Балпеисова Светлана, медиатор