Жаңа Конституцияда ана мен баланың денсаулығы қорғалады
Жаңа Конституция құқықтық жүйені өзгертіп қана қоймай, мемлекеттің азаматтар алдындағы әлеуметтік міндеттемелерін түбегейлі жаңа деңгейге көтереді. Бұл реформаның басты бағытының бірі — денсаулық сақтау жүйесін жаңғырту. Мәселен, бүгінде Қазақстанда болашақ аналарды қолдаудың бірегей жүйесі қалыптасқан. Әрбір жүкті әйел тегін әрі кешенді антенаталдық (босануға дейінгі) және босанудан кейінгі бақылаудан өтуге заңды құқығы бар. Бұл ретте мемлекет әлеуметтік әділдік мәселесін толық шешті: әйелдің ресми жұмысының немесе МӘМС жүйесіне өздігінен төлеген жарнасының болмауы көмек алуға ешқандай кедергі емес.
Жұмыс істемейтін жүкті әйелдер ресми түрде азаматтардың жеңілдік берілген санатына кіреді. Әйел адам емханаға жүгініп, жүктілігі бойынша есепке тұрған сәтте, мемлекет оның орнына Әлеуметтік медициналық сақтандыру қорына (ӘМСҚ) жарнаны өз бюджетінен төлей бастайды. Жүйеде «Сақтандырылған» мәртебесі сол сәтте автоматты түрде белсендіріледі. Ал жаңа Конституциядағы өзгеріс болашақ анаға не береді деген сұраққа келсек, бірінші зертханалық зерттеулердің толық спектрі және Ұрық қорғау орталықтарының базасында сараптамалық деңгейдегі 3 жоспарлы пренаталдық скринингтен өтеді. Сондай-ақ акушер-гинекологтың, терапевтің және бейінді мамандардың тұрақты қабылдауынан бөлек, анемия мен ұрықтың даму ақауларының алдын алу үшін өмірлік маңызды препараттарды тегін береді.
Гүлшат Темірбаева, облыстық перинаталды орталығының бас дәрігері.
