Жаңа күре жол орталық және батыс аймақтардың арасын 560 шақырымға қысқартады
«Осы тұста тағы бір маңызды инфрақұрылымдық жоба қолға алынатыны туралы жариялағым келеді. Мен Үкіметке Астанадан Арқалық, Торғай және Ырғыз арқылы Транскаспий халықаралық көлік дәлізіне тура шығатын автокөлік жолының құрылысын бастауды тапсырдым. Жаңа күре жол орталық және батыс аймақтардың арасын 560 шақырымға қысқартады. Бұл – тұтас Торғай өңірінің дамуына тың серпін беретін ауқымды жоба., деді-Ұлттық Құрылтайдың IV отырысында сөйлеген сөзінде Қасым-Жомарт Тоқаев елдің көлік байланысын нығайтуға бағытталған ауқымды инфрақұрылымдық жобаның басталғаны туралы айта келіп.
Бұл жобаның қолға алынуы тек ақтөбеліктерді ғана емес, торғайлықтардың да қуанышын еселей түсетіні сөзсіз. Осы жол құрылысы салынса, Ырғыз ауданның дамуына үлкен серпіліс берері сөзсіз. Өз ауданымыз енші алған Ырғыз болғасын, бұл жаңалыққа шын жүректен қуаныштымыз.
Президент өзі назар аударып, пәрмен берген құрылыстың көп ұзамай басталатыны және оның нәтижесі ұшан-теңіз болары сөзсіз.
Күздеуов Асқар
Ауданның белсенді азаматы
