Елімізде Ұлыстың Ұлы күні қалай тойланады?
![Әз-Наурыздың тойлануы](https://zhanalyq-zharshysy.kz/wp-content/uploads/2024/03/9-905x613.jpg)
Биыл Әз-Наурыздың бірегей логотипі бекітіліп, еліміздің барлық аймағына жіберілді. Еліміздің түкпір-түкпірінде түрлі мәдени-спорттық іс-шаралар өткізіліп, мейрамның мағынасы айшықтала түспек.
✅ Орталық коммуникациялар қызметінде өткен брифингіде ҚР Мәдениет және ақпарат министрлігі Мәдениет комитеті төрағасының орынбасары Сәбит Барлыбаев Әз-Наурызды тойлаудың іс-шараларымен бөлісті.
Оның айтуынша, тарихта Наурызды тойлау 8-9 күнге жалғасқан. Оны «Наурызнама» деп атаған. Бұл туралы деректер ұлы философ-жазушыларымыз Махмұд Қашқаридің, Мәшһүр Жүсіп Көпейұлының, Абай Құнанбайұлының, Мұхтар Әуезовтің еңбектерінде жазылған.
💬 «14 наурыз Көрісу күні – Амал мерекесі деп аталады. Бұл дәстүр негізінде еліміздің батыс өңірлерінде сақталған. Бүгінде аталған мерекені барлық аймақтарда тойлау ұсынылды. Халық үшін бұл — қастерлі әрі орны ерекше дәстүр. 15 наурыз «Қайырымдылық күні» етіп белгіленді. Бұл күнді ел бойынша қайырымдылыққа, мейірім мен тату көршілікке арнаймыз. Қоғамға қайырымдылық көрсету мәдениетін сіңіріп, жанашырлық пен өзара қол ұшын беру құндылықтарын қалыптастыруымыз қажет. 16 наурыз «Мәдениет және ұлттық салт-дәстүр күні» етіп белгіленді. Бұл күн мәдениетімізді, өнеріміз бен ұлттық құндылықтарымызды насихаттауға арналып, республика бойынша түрлі іс-шараларды өткізу жоспарлануда», – деді С. Барлыбаев.
Дереккөз: inform.kz