ЖАБАСАҚ, АҚҚҰМ ЕЛДІ МЕКЕНІНДЕ ДЕПУТАТТЫҚ КҮН ӨТКІЗІЛДІ
Аудандық мәслихат төрағасы (№9 сайлау округінің депутаты) Б.Сейлханов, аудан әкімінің орынбасары А.Алдабергенов, мәслихат депутаттары А.Еренов, Ғ.Баймышев Жабасақ ауылдық округінің және өзіне қарасты Аққұм елді мекенінің тұрғындарымен кездесу өткізді. Кездесуде мәслихат төрағасы Берік Дүйсенғалиұлы сөз сөйлеп, 2023 жылы атқарылған жұмыстарға тоқталып, қысқаша шолу жасады. Аудандық мәслихат депутаты (№2 сайлау округінің депутаты) А.Еренов өз округі бойынша 2023 жылы атқарылған жұмыстар туралы тұрғындар алдында өз есебін берді. Тұрғындардың көкейде жүрген мәселелерімен талап тілектері тыңдалып, қойылған сұрақтарға тиісті жауаптар берілді. Ауыл тұрғындарының өтініштерімен талап тілектері ескерілетіндігін, елді мекенге қатысты мәселелердің шешілуіне, қажетті жұмыстардың атқарылуына атсалысатындығын жеткізді. Ауылдың дамуына үлес қосып, қызметте елеулі жетістіктерге қол жеткізіп және ауыл мектебінің мақтанышы болып жүрген азаматтар мен азаматшалар алғыс хаттармен марапатталды.
Жиын соңында мектеп ұстаздарымен оқушыларының концерттерін тамашалады.
Мәслихат төрағасы Б.Сейлханов, мәслихат депутаттары А.Еренов, Ғ.Баймышев, аудан әкімінің орынбасары А.Алдабергенов Жабасақ ауылдық округінде тұратын екі отбасының үйіне барып мерекемен құттықтап, азық-түлік пакетін табыс етті. Одан соң балабақша мен жалпы орта білім беретін мектебіне барып басшыларымен кездесті. Мекеменің ішкі жылу жүйелерімен жалпы жай-күйлерін қарап, кездесуде айтылған ұсыныс тілектері назарға алынды.
Кездесуден соң ауыл мен әулеттің берекесі мен ұйытқысына айналған ардақты әжелер мен аяулы аналардың шаңырақтарына барып мерекемен құттықтап, мерекелік сыйлықтарын табыс етті. Мерекемен арнайы құттықтап келгендеріне ризашылықтарын білдіріп, ақ баталарын беріп, ауданды өркендету бағытындағы атқарып жатқан жұмыстарына сәттілік тіледі.
