Шара аналарға арналды
Әйтеке би аудандық кітапханасында 8-наурыз халықаралық аналар мерекесіне орай «Әйелмен әлем әдемі» атты шеберлік сағаты өтті.
Шараның 1-бөлімінде қазақ тарихымыздағы дана да,батыр,ақын,үлгі аларлық аналарымызға арналаған кітап дефилесі өтті.
Домалақ ана бейнесін — А.Ермағанбетова, Зере әжені — Н.Қожахметова, Бопай ананы — А.Успанова, Дина Нұрпейісованы — Г.Тоқсанбаева, Әлия Молдағұлованы — Н.Дарибаева, Фариза Оңғарсынованы — Ж.Сақтағанова бейнелесе, Зейнеп Ахметованы — ардагер-ұстаз-С.Қасымбекова, Нәзипа Құлжанованы- кіші қызметкер А.Жұмашева бейнеледі.
Шараның 2-бөлімінде шеберлік сағатына ауданның шебер,әрі кәсіпкер аналары қатысты.
Жұмабике Садесова Қарашатау ауылында еңбек пәнінен 27 жыл ұстаздық етіп,зейнетке шыққан.Қазіргі таңда өз уақытын тиімді өткізуде, матадан құрақ құрап,тоқыма жіптерден түрлі бұйымдар жасайды.Шеберлік сағатқа қолдан жасаған бұйымдарынан көрме әкеліп,таныстырды.Ал,Амина Кимағанбетова — Талдысай ауылында 27 жылдан бері технология пәнінен дәріс беруде.Өткен жылдың желтоқсан айында Астана қаласында «Хас шебер» қолөнершілер фестиваліне қатысып, «Қағаздан жасалған моншақ» атты шеберлік сағатын өткізіп қайтқан.Біраз жылдан бері Амина зергерлік саласын терең зерттеп жүр. Шараға өз қолымен жасаған зергерлік әшекей бұйымдардан көрме жасап,әр бұйымдарына жеке-жеке түсіндірме беріп өтті.
Гүлнұр Сағынбаева Қарабұтақ ауылында Қ.Шаңғытбаев атындағы орта мектепте бастауыш сынып мұғалімі боп қызмет етеді. Сонымен қатар,той,отырыстарды түрлі шарлармен әрлеп,тойбастарлар, қоржындар, түрлі иіс сабындардан гүлдер жасап,туған күн т.б қуаныштарға аниматорлық қызмет жасаумен айналысады.Бүгінгі шеберлік сағатына Гүлнұр баблс шарына ойыншық қонжықты салып,шарды үрлеп,түрлі әсемдеу жолдарын үйретсе, Гүлгүл Сердалықызы Құмқұдық ауылында поштада қызмет етеді.Гипспен құйма жасап,түрлі бұйымдар жасауды Гүлгүл баламен демалы отырған кезде қызығушылық танытқан.Қазіргі кезде әр той,туған күнге түрлі формада тойбастарлармен қатар,түрлі иісті сабындар,гүлдер жасаумен бизнесін ұлғайтып отыр.Аталмыш шараға Гүлгүл гипстен құмыра,асықтар жасау жолдарын көрермендерге ұсынды.
Жиналғандар алдында К.Батырбайқызынан вокалдан дәріс алатын Саз мектебінің оқушылары А. Аманжолқызы,Ә. Жангелдин мерекеге орай ана туралы әндерін айтты.
Шараға Г.Еспенбетова жетекшілік ететін Т. Жүргенов атындағы ЖОББМ-нің 10 ә класс оқушылары қатысты. Шара соңында шеберлік сағатқа атсалысқан аналар Әйтеке би аудандық Мәдениет,тілдерді дамыту,дене шынықтыру және спорт бөлімі» ММ басшысы А.Әбенованың алғыс хатымен марапатталды.Ардагер-ұстаз Салтанат Қасымбекова демеушілік жасап, қатысушыларға өз сияпатын жасады.
