КӨШІ-ҚОН ЖАЙЫНА ТЕРЕҢ КӨҢІЛ БӨЛІНСЕ

Мемлекет басшысы Қ. Тоқаев 8-қыркүйектегі дәстүрлі Жолдауында көптеген мәселелерді көтерді. Сырт қарағанда ұсақ болып көрінер, бірақ соның салдары тиянақсыз түйткілдерді көбейтуде. Бұның өзі әлеуметтік ашынуды туындатады. Бұның барлығы көші-қон жайының орталықтандырылып, реттестірілмеуінен болып отыр.
Әсіресе, Астанаға ағыла көшудің себебіне тоқталған Президентіміз бұл жайдың әлеуметтік нысандардың жоспардан тыс салынып, түрлі төлемдердің шектен тыс төленуіне әкеліп жатқанын назарға салды.
Жас қала әрі астана болғандығынан ғана емес, ол жердегі жалақының жоғарылығына қарай жылыстау басым. Міне, бұл мәселені өз жолдауында Қ. Тоқаев былай деп түйіндеді:
“Кейбір облыс әкімдері корпоративті
салықтан түскен қаражатты көше
бойындағы тас тақтайшалар салу сияқты
тиімсіз жобаларға шашудан әріге
бармайды. Әрине, содан соң жұрт
әлеуметтік қызметтері мен жеңілдіктері
бар Астанаға қарай ағылады.
Мұндай ахуал күрделі мәселелер
туындауына әкеп соқтырады. Қалада
әлеуметтік тұрғыдан осал топтағы
жандардың саны бірнеше есе артқан,
әлеуметтік қолдауға арналған шығындар
да бюджет кірісінен жылдамырақ өсіп
жатыр. Ал әлеуметтік міндеттемелердің
үлесі тым артып барады”.
Бұл өңір әкімдеріне ой салып, өз жұмысын өзгеше жүргізуге ықпал етер деген ойдамыз.
Көші-қон тек ішкі жағдайды ғана емес, сырттан да ретсіз ағылушыларды реттеп отыруға да жұмыс жасар деген ниеттеміз.

Аудандық ақсақалдар кеңесінің төрағасы, ауданның құрметті азаматы Б.Исатаев