АЙҚЫНДАУШЫСЫН ІЗДЕГЕН АХУАЛ

“Кезінде біздегі “әлеуметтік саланың
жанашырлары” толық емес отбасы деген
жеңілдікке мұқтаж адамдар санатын
ойлап тапқан еді.
Соның салдарынан, ажырасқан отбасылар
саны күрт өсіп, біз бір кезде бұл көрсеткіш
бойынша әлемде “көш бастаған” елдердің
қатарына қосылдық. Мұндай мысалдар аз
емес. Осылайша, біз өзіміз жалқаулық пен
масылдыққа жол беріп отырмыз.
Отбасы мүшелерінің барлығы дерлік
нысаналы әлеуметтік көмек пен
жәрдемақы алатын болса, жұмыс істеудің
не қажеті бар? Басқаша айтсақ, әлеуметтік
салада оңтайлы шешім қабылдаудың
орнына, үкімет кемінде 15 жыл бойы
әлеуметтік масылдық пен әлеуметтік
алаяқтыққа жол беріп келді”, – деді мемлекет басшысы Парламенттің біріккен отырысында жасаған жолдауында.
Шындығында, заңсыз дүниелерін жасыру мақсатында немесе жеңілдікпен баспана алу ниетінде жасанды ажырасушылар көбейіп кетті. Тепсе темір үзердей азаматы бар отбасының балаларын киіндірудің басы олардың әлеуметтік осал топқа жатуынан. Көпьалалы болып, тапқандары жетпей жптса, әңгіме басқа. Сол көмек алғандар ешқандай жұмысқа барғысы келмейді. Неге? Үкіметтен берілген төлем жетіп артылады. Айтпақшы, заңмен ажырасқандар бірге тұрып жатады. Осының салдарынан шын мұқтаждарға баспана алу қиындай түсіп, кезегі жылжымайды.
Президентіміздің бұны ашына көтеруі тегін емес. Өтірік құжат толтырып ажырасса да, бірге тұрып жатқандардың заңсыз алған қаражатын, баспанасын, дүние-мүлкін тәркілеп,айыппұл салу керек.
Бұл бір жағдайы жоқ отбасының ауызынан несібесін жұлып жегенмен бірдей.
Жеке мүддесі үшін арсыздыққа барғандарға неге аяушылық болуы керек? Сондықтан осы жай тиісті министрлік деңгейінде көтеріліп, заң қабылданбаса, масылдығы мелдектеп тойған қоғамға айналамыз.

Аудандық маслихат депутаты Ш.Берсугирова