ӘЙКЕДЕ ЖАҢА КӨПІР САЛЫНАДЫ
Аудан әкім Д.Тоғызбаев әйкелік тұрғындармен кездесіп, ақылдасып, ұсыныстарын тыңдады. Нәтижесінде, Әйкеде бір жолақты жеңіл көлік жүретін жаңа көпір қолданысқа беріледі деген шешім шығарылды.
Құрылыс жұмыстары алдағы жазда басталмақ. Оған дейін:
— көпірдің жобалық-сметалық құжаттамасын дайындау;
— мемлекеттік сараптамадан өткізу;
— қаражат алу;
— құрылыс-монтаж жұмыстарын жүргізу керек.
Көктемгі су тасқынында көпірі қираған әйкеліктер үшін өткелдің салынуы өзекті мәселе екені белгілі. Аудан әкімі өткір мәселені оңынан шешілуіне бар күшін салатынын, бірақ біраз уақытты қажет ететін жоба екенін айтып өтті.
Сондай-ақ, кездесуде аудан басшысы тұрғындарға су тасқыны қауіпінің толықтай сейілмегенін айтып, тосыннан келетін қауіпке үнемі дайындықта болуларын сұрады.
