Әйтеке би ауданында аудан активінің қатысуымен арнайы кеңейтілген жиын өтті.

Елімізде ұсынылған жаңа Конституция жобасы – мемлекетіміздің алдағы даму бағытын айқындайтын аса маңызды құжат. Жаңа Ата Заң жобасы жан-жақты талқыланып, ұсыныс-пікірлер ортаға салынды.

✅Жиынға аудан әкімінің міндетін атқарушы К.Байдрахманов, аудандық мәслихат төрағасы Б. Сейлханов, мәслихат депутаттары, қоғамдық кеңес мүшелері, бөлімдер мен мекемелердің басшылары, ардагерлер қауымы және бұқаралық ақпарат құралдарының өкілі қатысты.

⚡Кездесудің негізгі мақсаты – Конституция жобасында көзделген өзгерістердің мәні мен маңызын жұртшылыққа кеңінен түсіндіру, қоғамдық пікірді ескеру және ашық әрі мазмұнды диалог алаңын қалыптастыру.

🔶Жиын барысында адам құқықтарын қорғау тетіктерін жетілдіру, заң үстемдігін нығайту, мемлекеттік басқару жүйесінің тиімділігін арттыру, жергілікті өзін-өзі басқаруды дамыту, сондай-ақ азаматтық қоғам институттарының рөлін күшейту бағытындағы маңызды өзгерістер кеңінен сөз болды.

💫Бұл бастама мемлекет пен қоғам арасындағы өзара жауапкершілікті арттырып, ел дамуының жаңа сапалы кезеңіне жол ашады.

🗣️ Кездесу барысында айтылған ұсыныстар өңірдің тұрақты дамуын қамтамасыз етуге, қоғамдық келісімді нығайтуға және ашық диалогты дамытуға негіз болады. Бұл бағыттағы жұмыстар алдағы уақытта да жүйелі түрде жалғасады.

📌 Бірлік пен ортақ жауапкершілік – тұрақты дамудың берік негізі.