Конституция – мемлекеттің құқықтық іргетасы ғана емес, оның саяси, әлеуметтік және институционалдық дамуының темірқазығы.

Конституция – мемлекеттің құқықтық іргетасы ғана емес, оның саяси, әлеуметтік және институционалдық дамуының темірқазығы. Ол билік тармақтарының тепе-теңдігін айқындап, азамат пен мемлекет арасындағы қатынастың өркениетті моделін қалыптастырады. Сондықтан оған енгізілетін кез келген өзгеріс тек заң техникасына қатысты түзету емес, елдің ұзақмерзімді даму бағытына әсер ететін стратегиялық шешім болып саналады. Конституциялық реформа – бұл мемлекеттік модельді жаңаша пайымдау, басқару философиясын қайта қарау деген сөз.
Жаңа Конституция жобасының референдумға шығарылуы осы жауапкершілікті халықпен бөлісудің айқын көрінісі. Өйткені Ата заң – биліктің емес, халықтың құжаты. Халықтың тікелей дауыс беруі арқылы қабылданған шешімнің саяси салмағы да, моральдық легитимдігі де әлдеқайда жоғары болады. Бұл қадам мемлекет дамуының келесі кезеңін қоғаммен бірлесе айқындауға деген ұмтылысты білдіреді.

Аудандық ардагерлер кеңесінің төрағасы А.Ермағанбет