Мемлекет адал еңбекке дайын жандарға әрқашан қолдау көрсетеді
Тоқаев: Мемлекет адал еңбекке дайын жандарға әрқашан қолдау көрсетеді
Мемлекет адал еңбегімен тұрмысын жақсартуға дайын жандарға әрқашан қолдау көрсетеді. Бұл туралы Мемлекет басшысы Қасым-Жомарт Тоқаев бүгін өтіп жатқан барлық деңгейдегі мәслихаттардың ІІ республикалық форумында сөйлеген сөзінде айтты, — деп хабарлайды Tengrinews.kz тілшісі Ақордаға сілтеме жасап.
«Мен Үкіметке «Қарызсыз қоғам» және «Ауыл аманаты» секілді партиялық жобалардың ауқымын кеңейтуге көмектесуді тапсырдым. Мемлекет адал еңбегімен тұрмысын жақсартуға дайын жандарға әрқашан қолдау көрсетеді. Бұл «Адал еңбек – Адал табыс» қағидасына толық сәйкес келеді және Әділетті Қазақстан құрудың негізгі факторларының бірі. Сондықтан келесі жылды Жұмысшы мамандықтар жылы деп жарияладым. Осы арқылы қоғамда еңбек құндылығы мен кәсіби біліктіліктің орнығуына ықпал етеміз деп сенемін», — деді Мемлекет басышысы.
