Конституция – жарқын болашақ бастауы
Жаңа Конституция ең алдымен адам құқықтары мен бостандықтарын қорғауға, заң үстемдігін нығайтуға және мемлекеттік басқару жүйесін жетілдіруге бағытталды. Соның нәтижесінде билік тармақтары арасындағы тепе-теңдік нығайып, Парламенттің рөлі күшейді, Конституциялық Сот қайта құрылып, азаматтардың оған тікелей жүгінуіне мүмкіндік берілді. Бұл мемлекеттік басқару жүйесінің ашықтығы мен тиімділігін арттыруға ықпал етті. Мұның барлығы — Әділетті Қазақстанды құру жолындағы нақты қадамдар.
Еліміздің өсіп-өркендеуі заңға құрметпен, азаматтық жауапкершілікпен және қоғамдағы өзара сеніммен тығыз байланысты. Сондықтан Конституцияда айқындалған қағидаттарды жүзеге асыру — мемлекеттік органдардан бөлек, әрбір азаматтың ортақ міндеті. Біз, ардагерлер қауымы,жас ұрпақтың бойына отансүйгіштік, адалдық, еңбекқорлық пен заңға құрмет сияқты құндылықтарды сіңіруге, ұрпақтар сабақтастығын сақтауға және ел бірлігін нығайтуға әрдайым үлес қоса береміз.
Серік Шаңғұтов, облыстық ардагерлер кеңесінің төрағасы
