«ӘДІЛЕТ» ПАРТИЯСЫ ӘЙТЕКЕ БИ АУДАНДЫҚ ФИЛИАЛЫНЫҢ КЕЗЕКТЕН ТЫС ІІІ КОНФЕРЕНЦИЯСЫ ӨТТІ

«Әділет» партиясы Әйтеке би аудандық филиалының кезектен тыс ІІІ конференциясы өтті. Жиынға партияның Саяси кеңесі мен Бюросының мүшелері, бастауыш партия ұйымдарының төрағалары және партия белсенділері қатысты.

Жиында алдымен Ақтөбе облысы бойынша «Әділет» партиясының өңірлік сайлауалды бағдарламасының жобасына ұсыныстар мен сайлаушылардың аманаттарын жинақтау мәселесі қаралды. Бұл бағыттағы жұмыс тұрғындардың талап-тілектерін ескеріп, халықты толғандырған мәселелерді партияның алдағы жұмысына енгізуге бағытталған.

Конференцияда бірмандаттық аумақтық сайлау округтері бойынша Әйтеке би аудандық мәслихатының депутаттығына кандидаттар ұсынылды. Сонымен қатар «Әділет» партиясының Ақтөбе өңірлік филиалы конференциясына қатысу үшін делегаттар сайланды.