Конституция – ел болашағының бағдары
Конституция – бірлігіміздің негізі және әділетті қоғам қалыптастырудың басты кепілі. Ол әрбір азаматтың заң алдындағы теңдігін, адам құқықтары мен бостандықтарының қорғалуын және қоғамдағы заң үстемдігін қамтамасыз етудің негізгі қағидаттарын белгілейді.
Конституцияны құрметтеу және оның талаптарын сақтау – елдіміздің әрбір азаматының міндеті. Заңға бағыну, өз құқығын білу, өзгенің құқығын құрметтеу және ел алдындағы жауапкершілікті сезіну – құқықтық мәдениеттің маңызды белгілері.
Ата Заңға құрмет – бірінші кезекте елге деген құрмет. Заң үстемдігі – тұрақтылық пен дамудың кепілі!
Әйтеке би аудандық “Жаңалық жаршысы” газетінің редакторы Егенберлі Әбдіраев.
