Ана мен бала әлемі сахна төрінде тербетілді

8 наурыз  десек, бүкіл  әлем  бойынша   тойланатын,бүкіл  әлем  бойынша  аталып  өтілетін  Халықаралық мейрам «Әйелдер» мейрамы  ерекше естіліп,ерекше  аталып  өтеді.

«Әйелдер» деген  атаумен  кеңінен  тарап  кеткен  бұл  мейрамды  сөзімізге  әсемдік  қосып,әрлеп, құлағымызға  жағымды, нәзік  атаумен  айтатын  болсақ, яғни «Аналар» мерекесі. Біздер үшін  аналардың  орны  әрқашанда  бөлек  болып  саналады, ал  аналар  үшін  ең  бірінші  орында отбасы,балалары  тұрады.  Осы  мерекені   ерекеше  атауды  жөн  көріп, биылғы  мектеп  бітіруші  түлек аналар  тарапынан  да  ұсыныс түсіп, клуб  меңгерушісі  Бибізада  Әбдіжалиқызының  ұйымдастыруымен  мереке өте жоғары  деңгейде  аталып  өтті. «Ана мен  бала  әлемі» тақырыбымен  алынған  мерекенің   ашылуында  аналар  ұл-қыздарымен  сахнаға  шыққанда  бұдан  артық   көрініс болу  мүмкін  емес. Аналар  киген  қызыл көйлек,балалары  киген  ақ көйлектерінің  өзі  сахнаны гүлдендіріп  жібергендей  болды.  11-класс  оқушылары  Ғасыр Жүгінісов анасы  Айсұлумен «Анамның  ақ жаулығы», Аслан  Сыдықов  анасы  Айгеріммен «Ана мен бала»,  студент Жеңіс  Ормантаев анасы  Гүлмирамен «Аяулы ана» әндерін  шырқағанда  ана мен  баланың махаббаты шексіз  сүйіспеншілікке  толы  болып, көрермендер  қошеметіне  ие  болды.  «Сағым»театрының  «Анаға  сый» сахналандырылған  әнінің  көрінісінен  алған  әсерлерін көрермендер кеш соңында  шараға қатысқан ата-аналарға, ұйымдастырушыға алғыстарын  айтып,кештің  ерекше және үлкен мәнді үлгі  алатындай  болып өткендерін айтып өтті. Барлық  нәзік  жандарға  (тірі) 150 түп қызғалдақ гүлі  таратылып, кеш  соңында  биылғы 2024 жылғы мектеп бітіруші  түлектің  аналары «Ата –ана аманаты» әнін  шырқаса, балалары  аналарына құшақ-құшақ  гүл әкеліп ,тосын сый жасап  мерекеде  аналарын  ерекше  қуанышқа  бөледі. Қай ана болмасын, баласы  үшін  аянбай  еңбектеніп  жатады. Осы  тұрғыда 11-класс  аналары  А.Сүлейменова,  А.Табеева,Г.Кенжебаева,  Г. Өскенбаева,  Ж.Айтенова, Г. Көптілеуова,  Л.Аяғанова, А.Мұқанова,Г.Саркулова, М.Жаманбаева,Ы.Ұлыбекова, А.Ералиеваға және оқушыларымен бірге қолдау  білдірген  класс жетекшісі А.Қайырбаеваларды атап өтпеске болмайды. Ана –өмір, бала-оның жалғасы.Осындай мерекелер жалғасын  тауып,бір мерекеде, отбасы,ана,бала дегендей  мерекелік зор тәрбиелі   кеш болды.  Сахнаға түрлі-түсті жарық беруші –Ербол Өскенбаевқа, клуб әдіскері Серік Аймуханбетовке және мерекелік  кешке Марат Кенжебаев,  Айзада Исанова, Гүлзада Жакеева. Жарылқасын Өксікбаев, Нұржан Төлебаев,Жолдығали Даулетов демеуш3л3к жасады.Жұртшылық осынау қолдаулары үшін өз алғыстарын білдірді.

***

Қарабұтақ ауылдық клубыңда Халықааралық әйелдер күніңе арналған мерекелік шара өтті. Мерекелік кеште ауылдық округінің әкімі К.Байдрахманов қонақтарға ыстық ықыласын білдіріп құттықтау сөзін арнады. Өнерпаз жігіттер «Анаға сәлем»әнімен концерт шымылдығын ашып кешке келген нәзік жандыларға гүлдер ұсынды. Әнорындап, өлең оқыған жастар қонақтарға құттықтауларын жеткізді. Шараны ауыл әкімініңқолдауымен Қ.Шанғытбаев орта мектебінің ұстазы С Саимов ұйымдастырды. Концерке саз мектебі, мектеп оқушылары,ауыл жастары белсене қатысып әдемі көңіл күй сыйлады. Ауылдың аналары барлықкөрермен ұйымдастырушыларға ризашылық білдіріп тарасты.

***

Талдысай ауылының Әйелдер қауымына арналған концерттік кеш ұйымдастырылды.

Барлық аналарды Темірбек Жүргенов ауылдық округінің әкімі Саламат Канибайулы Абилов құттықтап, ыстық лебізін білдірді.

Концерттік бағдарламада халықтың ықыласына бөленіп жүрген жігіттер жүргізіп, аудан жастарының керемет биі, өнерлі жігіттер қауымының әндері мен күйлері тарту етілді.

Мерекелік көңіл-күй сыйлаған ұйымдастырушылар мен өнерпаздарға ауыл тұрғындары өз ризашылықтарын білдірді.