АРАЛ ӘЛЕМ НАЗАРЫНДА

АРАЛ ӘЛЕМ НАЗАРЫНДА
Айдыны айбынды болған Арал теңізі қазақтың мақтанышы,көз суарар қуанышы еді.Өзбекстан мен біздің мемлекеттің ортақ қазынасына айналған теңіздің тартылуына себеп болған Кеңес одағы кезіндегі науқаншылдық,көрсеткіш қуалау,марапат үшін болған масқара тірлік еді.
Әсіресе,көрші елде мақта түсімін еселеп көтеру үшін теңізге құйылар алып өзендердің сағасы бөгелді.Осылай ойсыздық Аралдың теңіз ретіндегі картадағы орны ойсырап қалды.Құрғаған табандықтан ұшқан тұзды шаң өз жерімізді қойып,шетелге дейін жетті,климаттық өзгеріс басталды.Бұның аяғы аласапыранға айналарын білген әлем алаңдай бастады.Бірақ кеш еді.
Бұрың зардабы Қызылорда облысын ғана емес,Ақтөбе облысының Ырғыз,Шалқар аудандарын экологиялық апатқа жеткізді.
Түрлі қорлар құрылғанмен, теңіз суға толмады.Енді ізін сақтап қалу басты міндетке айналды.
Соңғы жылдары Аралға су келе бастағаны қуаныш болғанмен,жұбаныш бола қоймады.Бірақ, үмітті оятты.
Енді қайтып қалпына келмес теңіз табаны құм көшкінін тудырмас үшін жүйелі шара қолға алынды.
Арал теңізінің тартылған аумағын көгалдандыру топырақ эрозиясының алдын алады және құмды, тұзды дауылдармен күресуге көмектеседі.Бұл аймақтың экологиялық жағдайын жақсартып, жергілікті тұрғындардың денсаулығын қорғайды.
Бұл мемлекет тарапынан назардан түспесі анық.

Әбдіраев Егенберлі
Әйтеке ауданының құрметті азаматы