Қай мемлекет болсын өзінің негізгі заңына сүйеніп дамиды.

Қай мемлекет болсын өзінің негізгі заңына сүйеніп дамиды. Конституция – елдің тірегі, қоғамның бағытын айқындайтын басты құжат. Сондықтан оған енгізілетін кез келген өзгеріс жан-жақты ойланып, халықтың мүддесін ескере отырып жасалуы қажет.
Жаңа Конституция жобасы басқару жүйесін жетілдіруге, азаматтардың құқықтарын қорғауды күшейтуге бағытталған деп түсінемін. Заң халыққа қызмет етуі керек. Әсіресе қарапайым адамдардың өміріне оң әсер ететін өзгерістердің болуы – ең басты талап.
Референдум – халықтың өз тағдырын өзі шешуіне берілген мүмкіндік. Мұндай сәтте әркім өз таңдауын саналы түрде жасауы керек. Ел болашағына бейжай қарамай, ортақ іске үлес қосу – әр азаматтың міндеті деп ойлаймын.

Аудандық ардагерлер кеңесінің мүшесі Раушанов Мешітбай