Қасым-Жомарт Тоқаев Германияға ресми сапармен барды

АСТАНА. KAZINFORM — Қасым-Жомарт Тоқаев Федеральдық Президент Франк-Вальтер Штайнмайердің шақыруымен Германияға ресми сапармен барды. Бұл туралы Ақорданың баспасөз қызметі хабарлады.

Сапар аясында Берлинде ГФР Президенті Франк-Вальтер Штайнмайермен және Федеральдық Канцлер Фридрих Мерцпен келіссөздер жоспарланған.

Тараптар Қазақстан мен Германия арасындағы стратегиялық серіктестікті нығайту перспективасын талқылайды.

Сонымен қатар Қасым-Жомарт Тоқаев Мюнхен қаласына барады.

Бұдан бөлек, Мемлекет басшысы Германияның маңдайалды компанияларының, қаржы және ғылыми институттарының жетекшілерімен, жоғары оқу орындарының ректорларымен кездесу өткізуді жоспарлап отыр.

https://kaz.inform.kz/news/kasim-zhomart-tokaev-germaniyaga-resmi-saparmen-bardi-5171d4b6

https://kaz.inform.kz/news/kasim-zhomart-tokaev-germaniyaga-resmi-saparmen-bardi-5171d4b6