Қауіпсіздік пен жауапкершілік
Сәрсенбі күні «Заң мен тәртіп» қағидаты аясында Ақтөбе қаласындағы №79 жалпыбілімберетінорта мектепте«Мен, қоғам және заң: менталды саулық пен құқықтық мәдениет» тақырыбында кездесу өтті.
Аталған мектептің директоры Аида Оралбаеваның айтуынша, өскелең ұрпақтың құқықтық сауатын арттыру және жасөспірімдер арасындағы құқық бұзушылықтың алдын алу мақсатында мұндай шаралар жиі ұйымдастырылып тұрады. Осы жолы басқосуға полиция капитаны Мейрамбек Шакин мен Ақтөбе қалалық прокуратурасының бөлім прокуроры Сұлтанбек Көптілеуов арнайы шақырылып, олар мұғалімдер, ата-аналар мен оқушыларға тақырып бойынша сөз сөйлеп, сұрақтарына жауап берген.
— Мектеп, ата-аналар қауымдастығы және құқық қорғау органдары арасында ашық серіктестік алаңын құру, оқушылардың бойында заңға деген құрметті қалыптастыру және олардың эмоционалдық-психологиялық әл-ауқатын нығайтуды көздеп, осы шараны өткіздік.
Шара барысында прокуратура мен полиция өкілдері жиналғандардың көкейінде жүрген сауалдарына жауап беріп, жасөспірімдердің қауіпсіздігі мен құқықтық жауапкершілігін талқылады. Артынша мектептің психологі оқушылардың күйзеліске төзімді ететін, эмоцияны басқаруға және буллингтің алдын алуға бағытталған арнайы жаттығулар жасады, — дейді білім мекемесінің басшысы.
Айбек СЕРІКҰЛЫ.
