«ПИРОТЕХНИКА» жедел-профилактикалық іс-шарасы

Әйтеке би аудандық полиция бөлімі төтенше жағдайлар бөлімімен бірлесіп, «ПИРОТЕХНИКА» жедел-профилактикалық іс-шарасы аясында ағымдағы жылдың 10–30 қарашасы аралығында қоғамдық қауіпсіздікті қамтамасыз ету мақсатында профилактикалық жұмыстар жүргізуде.

Іс-шараның негізгі мақсаты – жеке және заңды тұлғалардың жаңа жылдық мерекелер кезеңінде пиротехникалық заттар мен бұйымдар айналымының белгіленген ережелерін сақтауын бақылау және қауіпсіздікті қамтамасыз ету.

ҚР Әкімшілік құқық бұзушылық туралы кодексінің 436-бабына сәйкес, жеке тұлғалардың тыныштығын, белгіленген тәртіпті бұзатын және ірі материалдық залал келтіруге әкеп соқпаған жағдайда, елді мекендерде және бұл үшін арнайы бөлінбеген орындарда пиротехникалық бұйымдарды қолданғаны үшін әкімшілік жауапкершілік көзделген.

Азаматтық пиротехникалық заттар мен оларды қолдана отырып жасалған бұйымдарды сақтау, есепке алу, пайдалану, тасымалдау, сауда жасау, жою, әкелу және әкету тәртібін бұзғаны үшін ҚР ӘҚБтК-нің 483-бабына сәйкес жауапкершілік қарастырылған.

Сондай-ақ, тауарлармен немесе өзге де заттармен заңсыз сауда жасау тәртібін бұзған азаматтар ҚР ӘҚБтК-нің 196-бабына сәйкес әкімшілік жауапкершілікке тартылады.

Азаматтарды пиротехникалық бұйымдарды пайдалану кезінде қауіпсіздік талаптарын сақтауға және заң талаптарын бұзбауға шақырамыз.