Қазақстан Республикасының Конституциясы сияқты маңызды құжатқа енгізілетін өзгерістер ерекше жауапкершілікпен қаралуы тиіс.
Screenshot
Мен мұғалім ретінде қоғамдағы кез келген өзгеріс ең алдымен жас ұрпақтың болашағына әсер ететінін жақсы түсінемін. Сондықтан Қазақстан Республикасының Конституциясы сияқты маңызды құжатқа енгізілетін өзгерістер ерекше жауапкершілікпен қаралуы тиіс.
Мектепте біз оқушыларға тек білім беріп қана қоймай, оларды заңды құрметтеуге, өз құқықтары мен міндеттерін білуге үйретеміз. Сол себепті Конституциядағы әрбір норма әділдікке, теңдікке және адам құқықтарын қорғауға бағытталғаны маңызды.
Менің ойымша, Конституцияны жетілдіру қоғамның дамуына сай болуы керек. Егер өзгерістер азаматтардың құқықтарын күшейтіп, білім мен тәрбие саласының дамуына мүмкіндік берсе, онда бұл ел болашағы үшін дұрыс қадам болады.
Біздің басты мақсатымыз – заңды сыйлайтын, жауапкершілігі жоғары, білімді ұрпақ тәрбиелеу.
М.Жұмабаев атындағы ЖОББМ мұғалімі Ержанов Беркін
