Кішкентай жүректердің үлкен ізгілігі
“Әйке ауылдық округінің әкімі Манвас Ергазиев “Тереңсай” ЖОББМ 3 класс оқушысы Орысбай Рамазан, 5 класс оқушысы Серікбай Мәди және 2 класс оқушысы Серікбай Ануарға өз құрметін көрсетті.
Сабақтан тыс уақытта ойнап жүрген аттары аталған оқушылар жалғыз басты ананың үйіне жалғыз өзі қатты отын (көмір) тасып жатырғанын көріп, өз еріктерімен және ешкімнің үгітінсіз 2 тоннадан астам көмірді тасып берген.
Жас бүлдіршіндердің мұндай еңбегі елеусіз қалмасын деп, әрі өзгелерге үлгі болсын деген мақсатта алғыс айту мерекесі қарсаңында оқушыларға алғыс хат және кішігірім сыйлық табысталды. “Ұяда не көрсең ұшқанда соны ілерсің” демекші жақсы істерге бағыттап, ізгілікке баулып, тәлім-тәрбие беріп отырған Рамазан мен Ануардың ата-анасына да алғыс білдірді.
Кішкентай жүректердегі үлкен ізгілік отбасының тәрбиесінен бастау алдғаны анық.
