КӨКПАРШЫЛАР БӘСЕКЕСІ

Т.Жүргенов ауылында “Әйтеке би аудандық ат спорты”қоғамдық бірлестігінің ұйымдастыруымен ересектер арасында көкпар ұйымдастырылды. Негізгі салым қоры 150 мың теңгені құраған. Сондай-ақ, жекелеген азаматтар арасынан да демеушілер табылып,жүлде қоры 200 мың теңгеден асты.Көкпарға Қарабұтақ және Т.Жүргенов ауылынан жалпы отыз ат қатыстырылып,бақ сынасты.

Батылдық пен ептілікті,тез шешім қабылдай білу қабілетін айқындай түсер бәсекеде Мұхамбет Ержан бес,Бауашов Сенім төрт,Жалмұратов Нұрбол 3 салым салып өзгелерден озық нәтиже көрсетті.Ал,Мұхан Жасаралдың”Фатих”аты көкпаршылар жарысында мықтылығымен танылып, “Ең үздік жылқы”номинациясына лайықты деп табылды.

Демеушілер мен жүлдегерлер қоғамдық бірлестіктің алғыс хатымен марапатталды.Алдағы уақытта елдімекендерден де осынау жарысқа атсалысып,бәсекеде бақ сынасатындар шығар деген үміттеміз.