Конституцияға өзгерістер енгізу мәселесі өте жауапты қадам деп ойлаймын.

Мен көп жыл еңбек етіп, бүгінде зейнет демалысындағы азамат ретінде еліміздің дамуына әрдайым алаңдаймын. Біздің мемлекетіміздің негізі болып табылатын Қазақстан Республикасының Конституциясы – халықтың құқықтары мен бостандықтарын қорғайтын басты құжат.
Конституцияға өзгерістер енгізу мәселесі өте жауапты қадам деп ойлаймын. Уақыт өткен сайын қоғам өзгереді, жаңа талаптар пайда болады. Сондықтан кейбір нормаларды жаңарту еліміздің тұрақтылығы мен әділ қоғам құруына көмектеседі деп сенемін.
Біз, аға буын өкілдері, ең бастысы – елде тыныштық, бірлік және жастардың болашағы жарқын болғанын қалаймыз. Конституцияға енгізілетін өзгерістер халықтың мүддесіне қызмет етіп, әлеуметтік әділеттілікті нығайтуы тиіс.
Менің ойымша, мемлекет әрқашан қарапайым халықтың, соның ішінде зейнеткерлердің де жағдайын ескеріп, олардың лайықты өмір сүруіне жағдай жасауы керек. Сонда ғана еліміз дамып, болашағымыз берік болады.

Ауданның Құрметті азаматы Бөлекова Зоя Мекетаевна