Референдум бойынша жүргізілген exit poll нәтижелерін оң бағалаймын

Мен аудан тұрғыны ретінде референдум бойынша жүргізілген exit poll нәтижелерін оң бағалаймын. Сауалнама қорытындысында азаматтардың басым көпшілігі «Иә, қабылдаймын» деп дауыс бергені ел тұрғындарының маңызды қоғамдық-саяси шешімдерге бейжай қарамайтынын және мемлекет болашағына жауапкершілікпен қарайтынын аңғартады. Бұл көрсеткіш қоғамдағы бірлік пен тұрақтылықтың, сондай-ақ ортақ мақсатқа деген сенімнің айқын көрінісі деп есептеймін.

Сонымен қатар, дауыс беруге қатысу деңгейінің жоғары болуы халықтың саяси белсенділігін және ел тағдырына қатысты мәселелерге деген шынайы қызығушылығын білдіреді. Аудан тұрғындары үшін мұндай маңызды бастамалардың мәні зор, себебі кез келген оң өзгеріс өңірлердің әлеуметтік-экономикалық дамуына да тікелей ықпал етеді. Осы тұрғыдан алғанда, аталған нәтижелерді халық сенімі мен азаматтық ұстанымының нақты көрінісі ретінде бағалауға болады.

Ауданның “Құрметті азаматы”, аудандық ақсақалдар кеңесінің төрағасы Б.Исатаев