Сайлау комиссияларының дайындығы пысықталуда

Әйтеке би ауданында Қазақстан Республикасы Орталық сайлау комиссиясының хатшысы Шавхат Әнесұлы Өтемісовтың қатысуымен облыстық сайлау комиссиясының ұйымдастыруымен оқыту-семинары өтті. Семинар барысында алдағы сайлауды ұйымдастыруға байланысты маңызды мәселелер талқыланып, сайлау комиссиялары мүшелерінің кәсіби дайындығын жетілдіруге бағытталған түсіндіру жұмыстары жүргізілді.
Қазіргі таңда Әйтеке би ауданында сайлауды ұйымдастыруға байланысты дайындық жұмыстары жүйелі түрде жалғасуда. Атап айтқанда, сайлаушыларға шақыру қағаздарын тарату жұмыстары жүргізіліп, дауыс беруге байланысты есептен шығару куәліктері берілуде.
Сонымен қатар учаскелік сайлау комиссияларының төрағалары комиссия мүшелеріне тиісті оқыту жұмыстарын жүргізіп, сайлау процесінің талаптары мен ұйымдастыру тәртібін түсіндіруде.
Жүргізіліп жатқан жұмыстардың негізгі мақсаты – сайлау процесінің заң талаптарына сай, ашық әрі ұйымдасқан түрде өтуін қамтамасыз ету.