Тарихқа көз жүгіртсек, кез келген мемлекет өзінің негізгі заңын уақыт талабына сай жаңартып отырған.

Тарихқа көз жүгіртсек, кез келген мемлекет өзінің негізгі заңын уақыт талабына сай жаңартып отырған. Өйткені қоғам өзгерген сайын, талап та өзгереді. Бүгінгі жаңа Конституция жобасы да осындай қажеттіліктен туындап отыр. Оны референдум арқылы бекіту – халықтың еркін білдірудің заңды әрі әділ жолы.
Егер енгізілетін өзгерістер билік тармақтарының жауапкершілігін арттырып, тепе-теңдігін нақтылай түссе, бұл ел басқару жүйесінің тиімділігін күшейтеді. Ал тиімді басқару – экономикалық және әлеуметтік дамудың кепілі. Қарапайым халық үшін ең бастысы – тұрақты жұмыс, әділ шешім, заң алдында теңдік. Осылар қамтамасыз етілсе, елдің болашағына деген сенім де беки түседі.

Комсомол ЖОББМ тарих пәні мұғалімі А.Жалмуханбетов