Бүгінгі қоғам жаңаруды, әділдікті және ашықтықты талап етеді.

Бүгінгі қоғам жаңаруды, әділдікті және ашықтықты талап етеді. Сондықтан Конституцияның жаңа жобасының ұсынылуы – уақыттың сұранысынан туған заңды құбылыс. Мемлекеттің негізгі заңы заман талабына сай өзгеріп отырса ғана елдің дамуы тұрақты болады.
Қазіргі кезде халық үшін ең маңыздысы – заңның әділ болуы. Егер заң әр азаматтың құқығын қорғай алса, онда қоғамда сенім қалыптасады. Жаңа жобада әлеуметтік мәселелерге, жергілікті басқаруға, азаматтардың мүмкіндігін арттыруға ерекше көңіл бөлінуі керек деп есептеймін.
Референдум өткізу – халықтың пікірін ескерудің ең тиімді жолы. Әр адамның дауысы маңызды. Сондықтан мұндай тарихи сәтте әр азамат белсенділік танытып, елдің ертеңіне жауапкершілікпен қарауы керек.

Аудандық ақсақалдар кеңесінің мүшесі Науанов Кадырбек