Ата заң – мемлекеттің тірегі, елдің бағыт-бағдарын айқындайтын негізгі құжат.

Ата заң – мемлекеттің тірегі, елдің бағыт-бағдарын айқындайтын негізгі құжат. Сондықтан Конституцияның жаңа жобасы қоғамдағы өзгерістерге жауап беретін маңызды қадам деп ойлаймын. Бұл құжат халықтың құқықтарын қорғауды күшейтіп, әділдік пен теңдік қағидаларын нақтылай түсуді мақсат етеді.
Жаңа жобада азаматтардың мүддесін қорғау тетіктерін жетілдіру көзделгені байқалады. Бұл өз кезегінде халық пен билік арасындағы сенімді арттыруға негіз болады. Заң үстемдігі берік орныққан елде тұрақтылық пен даму да қатар жүреді.
Ал референдум – сол өзгерістерді халықтың өзі қолдап, не қолдамай шешетін мүмкіндік. Бұл – ел болашағына әр азаматтың тікелей қатысуы.
Референдум арқылы қабылданған шешімнің салмағы да, маңызы да ерекше болады. Себебі бұл – ортақ таңдау, ортақ жауапкершілік. Әрбір дауыс ел ертеңіне әсер ететінін сезіну – нағыз азаматтық ұстаным.

М.Жұмабаев атындағы ЖОББМ директоры Издина С.